بما انها اول تدوينة لي حبيت اتكلم فيها عن (الثقة بالله ) .
طبعاً الثقة بالله شيء غفل عنها الكثيير , وهو اكثر شيء نحتاجه وهنا لازم بدورنا ان نرجع توازن الحياة فيها ..
ولكن ايش هيا الثقة بالله ؟ وايش تعني ؟
كلنا نعرف قصة نبينا إبراهيم لما رموه في النار ,في هذا الموقف ايش سوا ابراهيم ؟ قال بعزة الواثق بربة :"حسبنا الله ونعم الوكيل "في هذا الوقت هوا ماحاول منعهم ما صرخ وما استسلم وكل امره لربه لكن ماقال حسبنا الله ونعم الوكيل وبس كان من جواته واثق ومتأكد ومؤمن بأن ربه ما بيخليه وان ربه بيحميه أكتفى بأربع كلمات فقط بس هنا السؤال ايش سوت هذي الكلمات ؟ وايش سوت ثقته بأن ربه بيحميه ؟
جاء امر ألاهي وهو"يا نار كوني برداً وسلاماً على إبراهيم "
مثل ما لقينا الثقه في إبراهيم بنلقاها في هاجر لما تركها زوجها في وادي يشبه الصحراء تحت الشمس الحاااره , وتسأل أبراهيم لمن تتركنا ؟؟!
تسأل تبغى جواب يطمن قلبها ولكن بعد ماعرفت انه أمر إلاهي أيقنت أمنت و وثقت بأن ربها ما بيضيعها
وكلنا نعرف أنه فجر لها ماء زمزم
ولو انها زعلت وعصبت مثل ما يسويها الكثيير منا ما كان تنعمنا اليوم ببركة ماء زمزم , وهناك قصص ومواقف كثييره توضح لي ولكم ايش معنى الثقة بالله وايش يصير لو وثقنا فيه
شيء اساسي انو تكون ثقتنا بربنا اكبر من كل شيء ، ثقي انه بغفر لك ، ثقي انه بيرزقك ، ثقي انه بيحقق لك احلامك , ثقًي انه كاتب لك السعادة في حياتك , ثقي ان كل شيء ضرك في هذي الحياة اولاً انتي مأجورة علية بإذنه تعالى وثانياً هوا مخبي لك في الجنب الثاني شيء بيسعدك , تمنوا ـ خططواـ عيشوا حياتكم مثل ما تتخلونها , لأنها بتصير كلها بس بالثقة بالله ..
لا تقولي مستحيل احذفي كلمة مستحيل من حياتك انا شخصياً ما احب هالكلمة مافي شيء اسمه مستحيل انتي فقط ثقي بربك وادعيه وتمني وبإذن الله تصير لنا اشياء تفرحنا ع طول ولكن شيء طبيعي في حياة كل شخص فينا حزن وهم وايام تكون سيئة لكن هذا مو معناته انو خلاص نستسلم لا زي ما انكتب لنا حزن اكيد انكتب لنا فرح ولكن لا نعطي الحزن اكبر من حجمه ولا نعطيه اهمية تجاهلي حزنك دوري ع فرحك اشغلي نفسك في شيء يسعدك ,الشيء الوحيد اللي يحتاج انو نعيشه بكل لحظاته وتفاصيلة هو الفرح .
الثقة بالله هيا : نعيم بالحياة , طمأنينة بالنفس , قرة العين ..!
قال ربكم (أدعوني أستجب لكم) وكلنا نعرف مافي أصدق من الله عشان كذا قبل ما نقفل ع الموضوع نوعد انفسنا انو بنخلي ثقتنا ف ربنا قدام كل شيء نفكر نسوية ثقي بربك لأنه هوا الوحيد اللي بيساعدك وبيكون عون لك في حياتك ..!
