هنا بكتب بعض من النصائح اللي تهم البنات النصائح ما بتنحكر بشيء معين بتكون نصائح عن الجمال وعن الصحة وعن حياتنا الاجتماعية واشياء مختلفه ..!
جيت بكتب نصيحة ماعرف ايش اكتب فجأه تذكرت موقف في الدوام فقلت خليني اكتبه وبنفس الوقت اربطة بنصيحة اليوم
طبعاً الموقف هو :
انه كنت رايحة اتكلم مع وحده من المعلمات مريت من عند شلة بنات , اللي فاجئني وصدمني أنهم جالسين يتكلمون بألفاظ تقفلي اذانيك من انك تسمعيها والطامة الكبرى انهم يتكلمون بصوت عالي , اعتقد ان الموقف واضح .
طبعاً ألفاظك وطريقة كلامك و اسلوبك كلها تدل ع تربيتك واخلاقك , الموقف اثبت لي انه مافيهم ذرة حياء ما خجلوا وما اعرف كيف قدروا يقولون كذا اسمع كثيير يتكلمون بنفس الألفاظ واتمنى اني ما اسمعها .
خلوني اقولكم على شيء :الخجل لازم يكون بالبنت والخجل زي ما نعرف انو من صفات البنات المحترمات واذكر لكم قول النبي صلى الله عليه وسلم ( ماكان الحياء في شيء إلا زانة )
بس نبغى نعرف ليش الحياء ما يكون في شيء والا و زانة ؟؟!
طبعاً قريت عن هذا الشيء وهذي كانت الإجابة ( لأنة يمنع الإنسان من الأقتراب من مواطن الشبهات أو اقتراف المحرمات , ومهما يكون من حياء الإنسان فهو خير من تبجحه ووقاحته )
حلو الحياء اللي يكون ف البنات ماعمري تخيلت انو بنت وما يكون فيها خجل , بس للأسف شفت كثير فاقدين هالشيء .
من بعد اليوم ازرعي جواتك الخجل اعرفي انه في عيب وحرام امنعي نفسك من انك تقولي ألفاظ سيئة ,وعلمي نفسك انك تتوبي من هالشيء .
